Ish-finalistja e Big Brother VIP Kosova, Xhuliana Nura, po përjeton një nga periudhat më të veçanta të jetës së saj, pasi është në pritje të lindjes së binjakëve.

Prej disa ditësh, Xhuliana ndodhet në spital, ku po qëndron nën kujdes dhe po pret me padurim momentin kur do të vijë në jetë dyshja e saj e vogël.

Gjatë kësaj periudhe, ajo ka vazhduar të jetë aktive në rrjetet sociale, duke ndarë herë pas here momente nga përditshmëria dhe duke i mbajtur ndjekësit të informuar për ditët e saj para lindjes.

Së fundmi, Xhuliana ka ndarë një postim më personal, përmes të cilit ka treguar se gjatë qëndrimit në spital i ka marrë malli për një tjetër pjesëtar të rëndësishëm të familjes së saj, qenushin Creammy.

Ajo ka publikuar një fotografi të mëhershme me të, duke rikujtuar një moment të bukur të kaluar së bashku. Krahas imazhit, Xhuliana ka shprehur shkurt, por mjaft qartë dashurinë dhe mallin që ndien për të.

“Të dua Creammy”, ka shkruar ajo në mbishkrimin e fotografisë.

Në këto ditë pritjeje, kur vëmendja e saj është e përqendruar te ardhja në jetë e binjakëve, duket se Xhuliana po e ndien edhe më shumë mungesën e kafshës së saj të dashur.

Tashmë, mbetet të shihet se kur do të vijë momenti i shumëpritur për Xhulianën, e cila së shpejti pritet të përjetojë një nga emocionet më të mëdha, atë të takimit me binjakët e saj./ORAinfo/

Komento:

	Komenti