Vjen lajmi i fundit për orët mësimore të humbura gjatë grevës – Ora Info Ballina | ORAinfo.com - Nuk ndalet

Vjen lajmi i fundit për orët mësimore të humbura gjatë grevës

19:20 | 19 Dhjetor 2019

Gjatë grevës kanë humbur një numër i madh i orëve mësimore.

Pas një muaji do të merret vendimi për kompensimin e orëve të humbura gjatë kohës kur mësimdhënësit ishin në grevë.

Kështu u vendos në Gjykatën Themelore në Prishtinë që u mbajt sot për vendimin e Ministrisë së Arsimit që detyron kompensimin e orëve të humbura gjatë vitit shkollor 2018-2019.

Në seancë e pranishme ishte Sindikata e Arsimit në rolin e paditëses, ndërsa Ministria e Arsimit që është paditur për këtë rast nuk pati përfaqësues në këtë takim e që do të duhej t’i kishte zyrtarë nga Avokati i Popullit.

Megjithatë zyrtari ligjor i SBASHK-ut kërkoi që vendimi për kompensim ligjor të anulohet në tërësi si i pabazuar në ligj.

Në këtë shkallë këto palë erdhën pasi që Gjykata e Apelit kishte miratuar ankesën e sindikalistëve për mos kompensim të orëve.

Kështu ky organ pati vendosur se lënda duhet t’i kthehet gjykatës së shkallës së parë për rigjykim dhe rivendosje.

Komento: