Vaksina amerikane rezulton e suksesshme dhe pa efekte anësore në 45 vullnetarë.

Vaksina eksperimentale e firmës farmaceutike, Moderna, për COVID-19 tregoi se ishte e sigurt dhe provokoi përgjigje imune në të 45 vullnetarët e shëndetshëm në një studim që po vazhdon dhe është në fazën e hershme, raportuan të martën studiuesit në SHBA.

Asnjë vullnetarë studimi nuk pësoi një efekt anësor serioz, por më shumë se gjysma raportuan reagime të buta ose të moderuara si lodhje, dhimbje koke, të dridhura, dhimbje të muskujve ose dhimbje në vendin e injeksionit.

Këto kishin më shumë të ngjarë të ndodhnin pas dozës së dytë dhe te njerëzit që morën dozën më të lartë, raportoi ekipi i shkencëtarëve në Nju England Journal of Medicine (NEJM).

Moderna ishte kompania e parë amerikane që filloi testimin njerëzor të një vaksine për koronavirusin e ri më 16 mars, rreth 66 ditë pas lëshimit të sekuencës gjenetike të virusit.

Ekspertët thonë se një vaksinë është e nevojshme për t’i dhënë fund pandemisë që ka infektuar miliona dhe shkaktoi gati 575,000 vdekje në të gjithë botën.

“Bota urgjentisht ka nevojë për vaksina për t’u mbrojtur kundër COVID-19”, tha Dr. Lisa Jackson nga Kaiser Permanente Uashington Institute of Health Research në Seattle dhe autori kryesor i studimit.

Qeveria federale po mbështet vaksinën e Moderna’s me gati gjysmë miliardë dollarë dhe e ka zgjedhur atë si një nga të parët që hyri në testime njerëzore në shkallë të gjerë. Një vaksinë e suksesshme mund të jetë një pikë kthese për Cambridge, Moderna me bazë në Masasa, e cila kurrë nuk ka pasur një produkt të licencuar.

Injeksioni i Moderna’s, mRNA-1273, përdor acidin ribonukleik (ARN) – një lajmëtar kimik që përmban udhëzime për të krijuar proteina. Kur injektohet tek njerëzit, vaksina udhëzon qelizat të bëjnë proteina që imitojnë sipërfaqen e jashtme të koronavirusit, të cilin trupi e njeh si një pushtues të huaj, dhe krijon një përgjigje imune kundër.

Moderna thotë se do të ndjekë vullnetarët e studimit për një vit pas injeksionit të dytë, për të kërkuar efekte anësore dhe të kontrollojë se sa zgjat imuniteti.

Komento:

	Komenti