Osmani takohet me Walker: Qytetarët e Kosovës do t’u jenë përjetësisht mirënjohës.

Presidentja e vendit, Vjosa Osmani është takuar me mikun e Republikës së Kosovës, ish-ambasadorin e OSBE-së, William Walker.

Në njoftimin e presidencës thuhet se Osmani e ka shprehur edhe njëherë mirënjohjen e thellë për vendosmërinë e Walker për të treguar të vërtetën ndërkombëtarisht. Kjo kur populli i Kosovës po përjetonte ditët më të errëta, si dhe për angazhimin e vazhdueshëm për të ndihmuar Kosovën në rrugën e shtetndërtimit.

“Qytetarët e Kosovës do t’u jenë përjetësisht mirënjohës. Faleminderit që ishe zëri ynë në ditët tona më të vështira e mirënjohje të pafund për miqësinë e sinqertë e të pakursyer për vendin dhe qytetarët tanë”, tha Osmani.

Komento:

	Komenti