Vjosa Osmani thotë se kushdo që luan me rezultatin e zgjedhjeve, luan me fatin e Kosovës – Ora Info Ballina | ORAinfo.com - Nuk ndalet

Vjosa Osmani thotë se kushdo që luan me rezultatin e zgjedhjeve, luan me fatin e Kosovës

13:59 | 25 Dhjetor 2019

Kur ka mbetur vetëm edhe një ditë deri në konstituimin e Kuvendit të Republikës së Kosovës, nga Lidhja Demokratike e Kosovës kanë filluar të shpeshtohen zërat që kërkojnë të respektohet vullneti qytetar për një koalicion me Vetëvendosjen.

Një gjë të tillë e ka kërkuar edhe nënkryetarja e LDK’së, Vjosa Osmani.

Sipas saj vullneti i 6 tetorit duhet respektuar, dhe kushdo që luan me këtë vullnet është duke luajtur me fatin e Kosovës.

“Interesi shtetëror duhet te jete mbi atë individual. Pavarësisht sfidave qe i kemi në këto momente, duhet të gjithë të ia kujtojmë vetes se nuk ka asgjë më të shenjtë se vullneti qytetar. Dhe ky vullnet është përcaktuar qartë për koalicionin LDK-VV. Kushdo që luan me këtë verdikt të qytetareve, është duke luajtur me fatin e Kosovës” ka thënë Osmani për Express.

Tejkalimin e mospajtimeve sot e ka kërkuar edhe deputeti i zgjedhur, Haxhi Avdyli.

Zyrtarët e Lidhjes Demokratike dhe Lëvizjes Vetëvendosje ende nuk kanë arritur që ta gjejnë kompromisin e duhur.

Nesër është caktuar seanca konstituive, e cila do të fillojë në ora 15:00 dhe deri në këtë kohë pritet të shihet se a do të ketë koalicion mes LVV-së dhe LDK-së.

Komento: