Janë bërë dy javë nga tërmeti shkatërrues në Shqipëri e ku mbetën të vdekur 51 persona, e u shkaktuan shumë dëmë të mëdha matëriale.

Nga tërmeti tragjik i 26 Nëntorit humbi jetën edhe vogëlushja Esielë Karanxha bashkë me nënën e saj Diena.

Sot që ishte dita e parë e rifillimit të shkollës, mësuesja Eda Katroshi në shkollën “Marie Kaculini” në Durrës ka postuar një mesazh mjaft prekës për 8-vjeçaren që ndërroi jetë nën rrënoja.

“Sot, me datë 09.12.2019 rifilluam jetën. Rifilluam aty ku e kishim lënë. Më rrethuan duart e vogëlushëve të mi. Nuk kishte gëzim më të madh kur u takuam. U perqafuam fort, u puthëm. Poooooor…. Ah kjo zemër dhe këta sy nuk guxuan të kthejnë shikimin e mjegulluar nga lotët drejt bankës tënde, e dashura Esielë. E ëmbla jonë Esielë. Cfarë tu thoja syve të lotuar të Jusrës që nuk e mbante dot ngashërimin. Nuk duroi dot që ti u bëre engjëll me krahë për të na parë nga lart. Shokët dhe shoqet e patën të vështirë të të mos përmendnin. E zgjuara, e shkathëta, Esiela jonë. Do të të kujtojmë gjithmonë. Do të mbetesh një vogëlushe e mrekullueshme për të gjithë grupin tonë të klasës së tretë. U prehsh e qetë pranë prindërve të tu!”, shkruan mësuesja.

Komento:

	Komenti