Aleksandar Vuçiq, President i Serbisë, ka thënë se Kosova duhet të respektojë qëndrimet e Evropës.

Ai tha se Kosova duhet të respektojë edhe marrëveshjet e nënshkruara me Serbinë.

Në prag të vizitës në Tiranë në kuadër të samitit të Brdo Brionet, Vuçiq ka thënë se kur është një qëndrim i qartë i Evropës, Prishtina duhet ta respektojë atë.

“Kur nuk mund ta bëni këtë, ky duhet të jetë pozicioni i qartë i Evropës. Kur ky është një qëndrim i qartë për Evropën, Prishtina duhet ta respektojë. Kjo nuk është një çështje e kokëfortësisë së tyre, por e forcës dhe qartësisë së pozicionit të Evropës”, ka thënë Vuçiq.

Në një deklaratë për shtyp, ai pret që takimi i sonte me Përfaqësuesen e Lartë të Bashkimit Evropian, Federica Mogherini do të jetë një analizë e asaj që kanë kaluar dhe çfarë është përpara.

“Shpresoj se përmes bisedimeve do të zgjidhim disa nga dilemat dhe problemet. Nëse kemi sukses, do të ishte një rezultat i madh”, ka shtuar ai.

Komento:

	Komenti