Vushtrria është mobilizuar për të luftuar virusin që është përhapur në shumë vende.

Instituti Kombëtar i Shëndetësisë Publike i Kosovës (IKSHPK), ka konfirmuar edhe dy raste të reja me koronavirus, e që numri i të infektuarve në Kosovë shkon në 63.

Rastet e konfirmuara janë raste kontakti të gjinisë femër, njëra me vendbanim në fshatin Vrapçiç-Gjilan e moshës 25 vjeçe dhe tjetra me vendbanim në fshatin Studime e ulët-Vushtrri e moshës 73 vjeçe.

Kështu Vushtrria është komuna më e re që është shtuar në hartën e komunave prekura me koronavirus në vend.

Gazeta Online “Reporteri.net” ka kontaktuar kryetarin e Vushtrrisë, Xhafer Tahiri, për ta pyetur se si është gjendja në komunën që udhëheq.

Ai ka konfirmuar se do ta mbledh shtabin emergjent.

“Jam duke hy në mbledhje të shtabit emergjent e me pas do të njoftojmë”, ka thënë shkurt Tahiri.

Komento:

	Komenti