Shanset e Aaron Wan-Bissaka për t’u larguar nga Manchester United gjatë afatit kalimtar të verës duket se po rriten gjithnjë e më shumë.

Në janar, Manchester United aktivizoi një zgjatje 12-mujore të kontratës së mbrojtësit të djathtë, me kontratën e tij që tani skadon më 30 qershor 2025.

Sidoqoftë, kohët e fundit ka pasur spekulime rreth të ardhmes së tij, me klubin anglez që thuhet se po konsideron nënshkrimin e një mbrojtësi të ri të djathtë këtë verë për të ofruar mbështetje për Diogo Dalotin.

Sipas gazetarit Rudy Galetti, shanset që Wan-Bissaka të largohet nga “Old Trafford” gjatë verës po rriten.

Galetti pretendon se Man United aktualisht po monitoron zëvendësuesit e mundshëm për të, me Jeremie Frimpong (Bayer Leverkusen) dhe Denzel Dumfries (Interit) që janë pjesë e listës.

26-vjeçari ishte shumë i lidhur me një largim nga “Djajtë e Kuq” në fund të vitit 2022, por një lëndim që Dalot pësoi me Portugalinë në Kupën e Botës, ndryshoi planet.

Mbrojtësi anglez është kufizuar në vetëm 17 paraqitje këtë sezon, pasi po lufton edhe me lëndime të shpeshta.

Ai ka munguar nga fundi i shtatorit deri në fillim të nëntorit, ndërsa ka qenë jashtë fushës edhe që nga mesi i janarit.

Wan-Bissaka ka munguar në pesë ndeshjet e fundit të Manchester Unitedit në Premierligë dhe do të mungojë sërish në derbin ndaj Manchester Cityt, shkaku i një problemi muskulor.

Komento:

	Komenti