Arsenali dhe Wolves përballen në betejën për Evropë.
Arsenali e nis sot një seri të ndeshjeve sfiduese, me udhëtimin në Molineaux për përballjen kundër rivalit për dalje në Evropë, Ëolves, në betejën e së shtunës në Premierligë.
Dy klubet shijuan fitore me nuk pranuan asnjë gol në ndeshjet e tyre të fundit. Ëolves mori fitore kundër Aston Villas 1:0 në fundjavën e kaluar, ndërsa Arsenali e mposhti me rezultat 4:0 Norëich Cityn në mesjavë, transmeton Gazeta Express.
Edhe pse Ëolves ka pasur përballje më të lehta në letër, skuadra e Nuno Espirito Santos e ka dëshmuar se është e gatshme të luftojë për kualifikim në sezonin vijues të Evropës duke mbajtur rekord të 100 për qindtë në ndeshjet që nga rinisja e sezonit.
Djemtë e Nunos i kanë shijuar tri fitore dhe s’kanë pranuar asnjë gol në ndeshjet kundër Ëest Ham Unitedit, Bournemouthit dhe Aston Villa që nga rinisja e sezonit dhe janë vetëm dy pikë prapa Chelseat, që radhitet në pozitën e katërt në tabelë.
Ndërkohë, Arsenali ka shfaqur formë më të mirë së fundi, duke arritur t’i fitojë tri ndeshje radhazi. Pierre-Emerick Aubameyang ka baras gola me Jamie Vardyn në garën për Këpucën e Artë të Premierligës.
Situata ishte dukur e vështirë për Arsenalin pas disfatave kundër Manchester Cityt dhe Brightonit pas rinisjes së sezonit, megjithatë tani skuadra e Mikel Artetës do të dëshirojë ta dëshmojë fuqinë e vet sot, para ndeshjeve të vështira të korrikut – kundër Leicester Cityt, Tottenhamit dhe Liverpoolit.
Formacionet zyrtare të të dy skuadrave:
2 °C
