Barcelona ka vazhduar me fitore, teksa ka mposhtur Sevillan në udhëtim me rezultat të thellë 0-3.

Katalunasit kanë bërë një ndeshje fantastike ku krijuan shumë raste shënimi.

Pas ndeshjes, Xavi ka thënë se nuk është asnjëherë e lehtë të fitohet në stadiumin Ramon Sanchez Pizjuan të Sevillas dhe është i lumtur që morën tri pikët.

Ai ka folur edhe për lojtarët e sulmit si Ousmane Dembele e Robert Lewandowski.

“Nuk e nisëm mirë ndeshjen, por sapo u vendosëm siç duhej në fushë, nisëm ta qarkullonim shpejt topin dhe krijuam disa raste në kundërsulm”.

“Janë të pakta ato skuadra që mund të vijnë në fushën e Sevillas dhe të fitojnë me rezultatin 0-3, shumë pak ekipe do të fitojnë në Sanchez Pizjuan. Por, si përfundim edhe pse kemi disa mekanizma për të përmirësuar, sërish fitorja të bën të ndihesh më i bukur”.

“Ekipi ka shumë potencial, kemi mundësinë të luajmë edhe me variente të ndryshme në varësi të kundërshtarit”.

“Dembele është një lojtar që më pëlqen shumë, edhe sjellja e tij më pëlqen, sidomos me mentalitetin kur kthehet në mbrojtje. Lewandowski dihet, na ka ndihmuar shumë sepse kur një skuadër shënon gola, atëherë ka qetësinë e duhur në fushë”, tha Xavi.

Tutje tekniku katalunas foli edhe për talentin e madh Gavi që bëri paraqitje spektakolare ndaj Sevillës.

“Mua nuk më befason aspak paraqitja e Gavit në fushë, e shoh të stërvitet çdo ditë dhe e di mirë se çfarë është i aftë të bëj në fushë. Është një mrekulli, ndoshta ishte lojtari më i mirë i ndeshjes”, deklaroi Xavi.

Komento:

	Komenti