Kontradikta e madhe e Xavit te Barcelona.

Jeta është plot kontradikta, pasi ka raste kur ajo që ju bën edhe më të fortë, por edhe më të dobët, dhe kjo është ajo që Xavi Hernandez e provoi në barazimin 2-2 të Barcelonës ndaj Osasunas të dielën.

Lojtarët që rrodhën nga La Masias si, Nico Gonzalez dhe Abde Ezzalzouli shënuan nga një gol në El Sadar, por ata nuk mundën ta mbanin skuadrën mbi supet e tyre dhe Blaugranasit nuk arritën të siguronin të tre pikët.

Nico, Abde dhe Gavi u dalluan të gjithë në Pamplona, me ish-anësorin e Espanyol B, Ferran Jutgla, gjithashtu bëri debutimin e tij zyrtar, por të tjerët nuk u shfaqën dhe Barcelona nuk arriti të rrëmbejë fitoren e parë në tre ndeshje.

Lëndimet afatgjata të disa lojtarëve, së bashku me paraqitjet e dobëta të disa prej yjeve të Barcelonës, kanë bërë që Ronald Koeman dhe tani Xavi të besojnë te lojtarët e akademisë.

Kështu, një 17-vjeçar si Gavi është bërë lojtari i shtatë me më shumë minuta të luajtur këtë sezon, ndërsa Abde ka shënuar më shumë herë se Ousmane Dembele dhe Nico ka kontribuar më shumë se Frenkie de Jong.

Shtylla e ekipit së Barcelonës përbëhet nga një mbrojtës 22-vjeçar si Ronald Araujo, një mesfushor 17-vjeçar si Gavi, një tjetër mesfushor 19-vjeçar si Nico dhe një anësor 19-vjeçar si Abde.

Derisa Pedri dhe Ansu Fati rikuperohen nga lëndimet e tyre përkatëse, ata do të bashkohen me këtë grup të aftë të rinjsh që janë bërë gradualisht liderët e Barcelonës, por mund të jenë shumë të rinj për të mbajtur skuadrën mbi supet e tyre.

Komento:

	Komenti