Kënga më e re e Gjestit, “Memories”, është pritur jashtëzakonisht mirë nga publiku, duke u kthyer menjëherë në një nga projektet më të ndjera të tij, shkruan IndeksOnline.

Por përtej melodisë dhe klipit, kjo këngë mbart një peshë të rëndë emocionale, pasi artisti ia ka kushtuar vëllait të tij të ndjerë, i cili ndërroi jetë në mënyrë tragjike si pasojë e një aksidenti trafiku.

Pamjet e videoklipit nisin me Gjestin, i cili shfaqet i shtrirë, në një atmosferë të ftohtë e të errët, duke dhënë që në sekondat e para ndjesinë e një historie që nuk është thjesht muzikë, por plagë.

Një nga detajet që ka tërhequr vëmendje është xhaketa e motoçiklistit me mbishkrimin “Huni 18”, që është një simbol i drejtpërdrejtë i kujtimit të vëllait.

Ky detaj lidhet me faktin se ai ishte me motor në momentin e aksidentit fatal.

Në klip shfaqet edhe një kënd lojërash, ku Gjesti duket se “kthehet pas në kohë”, në një periudhë kur ai dhe vëllai i tij po shijonin jetën në maksimum, duke e quajtur atë kohë “perfect timing”.

Pantollonat me mbishkrimin “Joker”, duke përshkruar errësiren që ai po përjeton e që interpretohet si metaforë e dhimbjes së veshur me të zeza.

“Krejt ca ka met, ka met, tash vec kujtime Cdo nate t’menoj e s’mun t’ndaj prej jetes time S’mujta m’i majt, m’i majt, ato premtime Po ti mu falma qe s’ja fali vetes time”, thuhet mes tjerash në referin e kësaj kënge.

Komento:

	Komenti