Kohëve të fundit janë shtuar kërkesat e kosovarëve për viza drejt Evropës.

Njeriu që luftoi për çlirimin e vendit, Xhevdeti Qeriqi, kryetari i Këshillit për mbrojtjen e të drejtave të veteranëve, është shprehur i zhgënjyer me jetën në Kosovë- ka paralajmëruar ikjen nga vendi.

Qeriqi ka njoftuar në Facebook se ka aplikuar për vizë për të vazhduar jetën diku nëpër botë pasi siç shprehet ai “ Shpresat për një jetë më të mirë këtu, tashmë përfundimisht janë shuar”.

Qindra mijëra qytetarëve që po e lënë dhe e kanë lënë vendin ndër vite i është bashkuar edhe një figurë e njohur për publikun Xhevdet Qeriqi. Ai thotë se vitin e ardhshëm do të ikë në perëndim sepse nuk ka shpresa për t’u bërë mirë në Kosovë.

“Sot aplikova për termin për vizë drejt përendimit, vitin e ardhshem po besoj po ecim prej Kosovës tonë të dashur. Shpresat për një jetë më të mirë këtu, tashmë përfundimisht janë shuar”, ka shkruar Qeriqi.

Ndryshe, udheheqësit e shtetit vazhdimisht po e mohojnë ikjen massive të qytetarëve nga vendi.

Kujtojmë se edhe 20 vjet pas luftës Kosova është vendi më i izoluar në rajon. Për një vizë qytetarëve u duhet të presin me muaj të tërë.

Komento:

	Komenti