Është konfirmuar marrëveshja e madhe nga ylli i Interit.
Ylli i Inter, Radja Nainggolan, duket se nga sezoni i ardhshëm do të rikthehet tek skuadra e Cagliarit.
Emri i Nainggolan lidhet me një largim të mundshëm nga Inter tash e sa kohë, dhe një nga skuadrat që ka shfaqur interesim për lojtarin është ajo e Cagliarit, anash asaj të Fiorentinës.
Presidenti i Cagliari, Tommaso Giulini ka vizituar zyrat e Inter gjatë ditës së sotme dhe ai ka konfirmuar se marrëveshja për Radja është e përfunduar.
“Nuk do të isha këtu për ndonjë arsye tjetër” ka thënë Giulini.
Nainggolan është paraqitur me skuadrën e Cagliari nga viti 2010 deri në vitin 2014.
Thuhet se Cagliari do të paguajë lojtarin rreth 3 milionë euro për një sezon huazim.