Një tjetër ndeshje që do të zhvillohet është ajo mes Manchester Unitedit dhe Arsenalit.

Qendër mbrojtësi i Manchester United, Chris Smalling, është shprehur tejet optimist për duelin e radhës që skuadra e tij e zhvillon me Arsenal.

Smalling ka thënë se besimi në skuadër nuk mund të jetë më lart se ky aktuali, pas impaktit që Ole Gunnar Solskjaer ka pasur në skuadër.

Sipas lojtarit, norvegjezi i ka bindur ata se ‘djajtë e kuq’ mund ta mposhtin secilën skuadër që përballen.

“Po, besoj se kemi vetëbesim. E kemi fituar atë besim. Sidomos në pesë apo gjashtë javët e fundit, me skuadrat që kemi pasur përballë si Chelsea, Tottenham apo PSG, e dimë se mund të përballemi me skuadra të mëdha dhe t’i dëmtojmë” ka thënë mbrojtësi anglez.

“Ka buzëqeshje në fytyrën e secilit. Mendoj se mund ta shihni se edhe Ole është gjithmonë i qeshur” ka shtuar ndër të tjerash ai.

Manchester United dhe Arsenal do të përballen sot, me fillim nga ora 17:30, në kryendeshjen e kësaj xhiroje në Premierligë.

Komento:

	Komenti