Ylli i Milanit, Rafael Leao do të ketë një klauzolë të re prej 170 milionë euro në kontratën e tij me kuqezinjtë, por ajo do të jetë e vlefshme vetëm në korrik.

Sulmuesi portugez ka pranuar të nënshkruajë një marrëveshje të re me kuqezinjtë, duke zgjatur qëndrimin e tij në San Siro deri në vitin 2028.

Rossonerët duheshin të konfirmonin sot zgjatjen e kontratës së sulmuesit, por njoftimi zyrtar është shtyrë me disa ditë.

Megjithatë, nuk ka dyshime se Leao do të nënshkruajë një marrëveshje të re me klubin nga San Siro.

Sipas edicionit të së premtes të gazetës La Gazzetta dello Sport, Leao do të ketë një klauzolë prej 170 milionë euro në kontratën e tij të re me gjigantët e Serie A, megjithëse mund të rritet në 175 milionë euro.

Ajo do të jetë e vlefshme vetëm në korrik. Klauzola e mëparshme e lirimit të Leaos ishte 150 milionë euro.

23-vjeçari do të marrë një rritje të konsiderueshme pagash, nga 1.5 milionë euro në sezon në shtatë milionë euro, duke u bërë fituesi më i madh në Milanello.

Komento:

	Komenti