Kylian Mbappe është në dijeni për kushtet që Real Madridi mund t’i ofrojë në mënyrë që të arrihet ujdia për në verë.

The Athletic raporton se paratë e ofruara nga pala spanjolle janë më të ulëta se ato të vitit 2022, kur, pavarësisht se ishte arritur një mirëkuptim mes palëve, Mbappe në fund vendosi të rinovojë me PSG.

Sipas burimeve të njohura me ato bisedime, duke folur në mënyrë anonime për të mbrojtur marrëdhëniet, Mbappes iu ofrua një bonus nënshkrimi prej 130 milionë euro dhe një pagë prej 26 milionë euro në vit në vitin 2022.

Mbappe tani është në gjashtë muajt e fundit të kontratës së tij me PSG-në, që do të thotë se ai është i lirë të negociojë me klubet e tjera për një transferim të mundshëm të lirë këtë verë.

The Athletic ka raportuar se Reali i ka vendosur 25-vjeçarit një afat deri në mes të janarit për të vendosur nëse do t’i bashkohet apo jo.

Me këtë rast, për shkak të fuqisë më të vogël ekonomike të Real Madridit dhe kontekstit të ri sportiv – klubi po fokusohet te talentet e rinj dhe lojtarët që i kanë prioritet – ai nuk do të arrinte të njëjtin nivel që iu afrua në 2022.

Sidoqoftë, Real Madridi po bën përpjekje të konsiderueshme dhe ka bërë një përjashtim të rëndësishëm në shkallën e pagave të tyre, kështu që fituesi i Kupës së Botës Rusia 2018 do të ishte lojtari më i paguar në skuadër.

Sipas burimeve të The Athletic, Real Madridi, ashtu si në vitin 2021 dhe 2022, tani po bën gjithçka për të nënshkruar me Mbappe.

Kjo falë vendosmërisë personale të presidentit Florentino Perez. Perez dhe Mbappe kanë qenë në kontakt të drejtpërdrejtë prej disa kohësh, gjë e pazakontë nga presidenti. Burimet thonë se në këto biseda lojtari i ka thënë gjithmonë Perezit se dëshiron të luajë për Realin.

Tani i takon Mbappes të vendosë nëse ai do të bëjë lëvizjen.

Në Real Madrid ata duan që ai ta bëjë atë së shpejti, dhe ndërsa lojtari është i vetëdijshëm për këtë, rrethi i tij duan kohë për të menduar për vendimin. Raportet në Francë sugjerojnë se ai do ta bëjë këtë përpara rikthimit të Champions League në mes të shkurtit.

Në Real Madrid ka shumë dyshime për atë që do të zgjedhë të bëjë dhe klubi është i vetëdijshëm se ka një ndryshim të rëndësishëm në financat që mund të ofrojnë në krahasim me PSG-në.

Burime pranë PSG thonë se paga bazë e Mbappes në PSG, pa përfshirë bonuset, është 75 milionë euro neto në vit.

Komento:

	Komenti