Koronavirusi ka prekur pothuajse gjithë botën duke lënë shumë viktima.

Epidemia e koronavirusit në Mbretërinë e Bashkuar pritet të zgjasë deri në pranverën e vitit të ardhshëm. Kjo është bërë publik në një dokument sekret të Shëndetit Publik britanik, që është publikuar nga The Guardian.

Sipas të përditshmes britanike, ky virus në Britani do të çojë në spital 7.9 milionë persona.

Dokumenti thotë se: “Rreth 80% e popullsisë pritet të infektohen me Covid-19 në 12 muajt e ardhshëm, dhe deri në 15% (7.9 milion njerëz) mund të kërkojnë shtrimin në spital.”

Profesor Chris Ëhitty, këshilltari kryesor mjekësor i qeverisë, e ka përshkruar më parë këtë shifër si skenarin më të keq dhe sugjeroi që numri i vërtetë do të rezultonte më pak se ai. Sidoqoftë, raporti sqaron se katër në pesë persona të popullsisë “pritet” të infektohen nga virusi.

“Që publiku të dëgjojë se mund të zgjasë 12 muaj, kjo do ti shqetësonte me të vërtetë”, tha Paul Hunter, një profesor i mjekësisë në Universitetin e Anglisë Lindore.

Pranimi se virusi do të vazhdojë të shkaktojë probleme edhe për një vit, duket se minon shpresat se ardhja e motit më të ngrohtë këtë verë do ta vriste atë.

Komento:

	Komenti