Kaka tregon se çfarë e bënte Ancelottin trajner të madh.

Një herë fituesi i ‘Topit të Artë’, Ricardo Kaka, ka dhënë komentet e tij mbi Carlo Ancelotti.

Kaka pati vitet e arta të karrierës së tij pikërisht në kohën kur luante nën urdhrat e strategut të madh italian.

Braziliani fitonte Ligën e Kampionëve, Serie A, por edhe ‘Topin e Artë’, duke u aktivizuar nën urdhrat e Ancelotti. Së fundmi, lojtari ka zbuluar se cilat ishin gjërat që e bënin Ancelottin trajner të madh.

“Unë gjithmonë them se ai është trajneri që më ndihmoi të fitoja më së shumti në karrierën time dhe se ai është më i miri me të cilin kam punuar”, ka thënë Kaka, transmeton lajmi net.

“Ajo që më pëlqente më shumë te ai, ishte aftësia për t’u siguruar se secili lojtar luante në rolin e preferuar, por gjithashtu ai ishte i aftë të merrej me një grup prej 30 njerëzish”, ka shtuar braziliani.

Ancelotti aktualisht është duke drejtuar skuadrën e Everton, duke garuar në Premierligë.

Komento:

	Komenti