Presidenti i Ukrainës u pyet në lidhje me komentet e fundit të presidentit Trump, në të cilat presidenti amerikan tha se duhet të “fillojë të veprojë” dhe të arrijë një marrëveshje me Rusinë.

“A po e ndien presionin?.

“Pak,” thotë ai me një buzëqeshje të lehtë, shkruan The Guardian.

Ai thotë se i kupton këto sinjale nga Trump, por thotë se Ukraina vazhdon të bëjë kompromis për disa çështje.

Ai thotë se është gati të diskutojë shumë çështje, por Ukraina nuk mund të “largohet” thjesht nga territori i saj me qindra mijëra njerëz si “një kompromis”.

“Ne nuk dëgjojmë kompromise nga pala ruse. Ne duam të dëgjojmë prej tyre diçka”, thotë ai.

Ai gjithashtu pyetet në lidhje me raportimet e fundit në media se SHBA-të vazhdojnë ta shtyjnë Ukrainën të mbajë zgjedhje dhe përsërit premtimin e tij të mbrëmshëm: nëse SHBA-të sigurojnë një armëpushim për dy-tre muaj, ai do t’i mbajë zgjedhjet.

Pastaj ai bën shaka.

“Ne gjithashtu mund t’u ofrojmë armëpushim rusëve nëse ata do të mbajnë zgjedhje në Rusi”.