Greva në arsimin kosovar po vazhdon.
Deputeti i LDK-së, Armend Zemaj ka thënë se Qeveria duhet t’a ndalë arrogancën dhe të ulet e të bisedojë me grevistët, raporton Gazeta Online Reporteri.net.
Përmes një postimi të bërë në Facebook, Zemaj ka thënë se çdo minutë e humbur nga procesi mësimor është kosto e lartë për fëmijët.
“Mjaft më me përdorimin e fëmijëve për hesape të populizmit. Mjaft më! Fëmijët duhet të nisin procesin mësimorë, mësimdhënësve duhet t’u pranohen kërkesat, ndërsa prindërve duhet t’u kthehet normaliteti”, ka shkruar mes tjerash deputeti i LDK-së.
Postimi i plotë:
Qeveri, mjaft më!
Qeveri, ulu e bisedo me grevistët. Ndale arrogancën. Ndale padëgjueshmërinë. Mos i hasmëro njerëzit. Bëj zgjidhje sa më shpejt. Çdo minutë e humbur nga procesi mësimorë është kosto e lartë për fëmijët dhe shoqërinë.
Mjaft më me përdorimin e fëmijëve për hesape të populizmit. Mjaft më! Fëmijët duhet të nisin procesin mësimorë, mësimdhënësve duhet t’u pranohen kërkesat, ndërsa prindërve duhet t’u kthehet normaliteti.