Edon Zhegrova ka qenë futbollisti më i përfolur muajin e fundit në mbarë opinion sportiv në Kosovë.

Gjithçka nisi me përjashtimin e tij nga grumbullimi i shtatorit me kombëtaren e Kosovës nga FFK-ja.

Ai së bashku me Florent Muslijajn dhe Aro Muriçin u përjashtuan pasi thyen rregullat e përcaktuara nga FFK-ja.

Pas një muaji të tre janë ftuar sërish nga kombëtarja për dy ndeshjet e tetorit, ndaj Lituanisë dhe Qipros pasi kanë kërkuar falje, madje atë edhe publike.

Letra e kërkimfaljes u publikua edhe nga FFK-ja së bashku me listën e lojtarëve për këto dy ndeshje.

Në një intervistë për emisionin “Sport Show”, në Klan Kosova, ylli i Lille, Edon Zhegrova ka ‘thyer akullin’ dhe ka folur lidhur me këtë situatë.

“Ne kemi bisedu me trajnerin kemi diskutu dhe është gjithçka në rregull”, ka thënë Edon Zhegrova.

Futbollisti kosovar është duke shkëlqyer me Lillen ku së fundmi u shpall lojtari i ndeshjes në Champions League ndaj Real Madridit.

Komento:

	Komenti