Zjarri që kaploi banesën në lagjen Emshir të kryeqytetit është lokalizuar nga ana e zjarrfikëseve.

Si pasojë e këtij zjarri 13 persona kanë pranuar tretmanë mjekësor.

Kështu ka konfirmuar zëdhënësja e policisë, Flora Ahmeti teksa shtoi se detajet tjera do të bëhen të ditura ndërkohë.

“Aktualisht situata është vënë nën kontrollë, zjarri është lokalizuar nga ana e zjarrfikësve.Bazuar në të dhënat aktuale numri i personave që u është ofruar tretman mjekësor arrinë në trembëdhjetë (13)”, tha ajo.

“Për detajet rreth rastit do të njoftoheni pas përfundimit të ekzaminimeve të nevojshme hetimore e procedurale nga institucionet kompetente”.

Incidenti ka ndodhur rreth orës 18:40, dhe që në vendngjarje kanë arritur menjëherë policia dhe zjarrfikësit.

Komento:

	Komenti