Cristiano Ronaldo ka folur për Neymarin.

Ronaldo pret që shoku dhe shënjeshtra e Barcelonës Neymar të qëndrojë në Paris Saint-Germain.

Sulmuesi brazilian ka qenë në qendër të spekulimeve që nga deklarata e Thomas Tuchel i cili tha se ai dëshironte largimin nga PSG para se të fillonte Kupa e Amerikës.

Kampionët e La Ligës Barca thuhet se kanë ofruar 100 milionë euro plus dy lojtarë të ekipit të parë në përpjekje për të rinënshkruar me 27-vjeçarin dy vjet pas largimit të tij drejt Francës.

Ronaldo tha për Marca: “Unë nuk e di. Ai është një lojtar i shkëlqyeshëm dhe unë shoqërohem shumë me të. Ka shumë fjalë për të, për Realin, Barcën, Juven”.

”Është puna e gazetave, sepse ju duhet t’i shitni ato, por unë mendoj se ai do të qëndrojë në Paris dhe, nëse jo, le të shikoj se ku është i lumtur dhe ku mund të shprehë futbollin e tij”.

“Shpresoj se ai do të shmangë dëmtimet, sepse ka pasur shumë prej tyre dhe kjo duhet ta shqetësojë atë”.

“Unë shqetësohem sepse më pëlqen ta shoh djalin duke luajtur. Pavarësisht se ku luan, është e rëndësishme që ai të kujdeset për veten e tij dhe të mos ketë lëndime. Kjo është ajo që dua për të”, potencoi 34-vjeçari.

Komento:

	Komenti