Daniele Rugani pritet të largohet nga Juventus gjatë janarit.

Skuadra e Romës ka kaluar Arsenalin në garën për shërbimet e qendërmbrojtësit të Juventusit, Daniele Rugani, ka shkruar “Tuttosport” të enjten.

Rugani do të largohet në janar nga Juventusi, pasi këtë edicion nuk e ka zhvilluar asnjë ndeshje zyrtare.

Roma është e gatshme që për Ruganin të paguajë 25 milionë euro dëmshpërblim, pesë më shumë se Arsenali dhe tashmë ka nisur negociatat me Juventusin.

Rugani 25-vjeçar, te Juventusi u transferua në vitin 2015 nga Empoli për 7.5 milionë euro dhe ka fituar katër tituj kampioni të Italisë.

Ai ka kontratë me Juventusin deri në vitin 2024.

Komento:

	Komenti