Shoferët janë paralajmëruar nga Komuna e Prishtinës që të kenë kujdes ku i parkojnë veturat e tyre.

Komuna e Prishtinës ka kërkuar nga qytetarët që të mos parkojnë veturat në vendpunishte, përndryshe ato do të konfiskohen.

Në njoftimin e komunës thuhet se janë duke punuar në rregullimin e hapësirave të parkingjeve në lagjet e Prishtinës, më konkretisht te rruga “Qamil Hoxha” dhe “Iliaz Kodra” në Dardani.

Në disa lokacione në qytet jemi duke punuar në rregullimin e hapësirave të parkingjeve të lagjes.
Parkingu te rruga “Qamil Hoxha” në qendër dhe “Iliaz Kodra” në Dardani janë dy prej tyre, prandaj lusim banorët që të i largojnë veturat dhe të mos parkojnë në vendpunishte.

Në të kundërtën, detyrohemi që të i konfiskojmë veturat.

Falënderojmë banorët për mirëkuptim dhe bashkëpunim, në mënyrë që punimet të realizohen në afat të planifikuar.

Komento:

	Komenti