Presidenti i vendit Hashim Thaçi është duke u trajtuar në Klinikën e Urologjisë në QKUK. Rasti është konfimuar edhe nga Presicenca.

Në komunikatën e lëshuar nga zyra e presidencës bëhet e ditur se presidenti Thaçi, pas shqetësimeve të shfaqura nga gurët në veshkë, sot ka shkuar për një kontroll në Emergjencën e QKUK-së dhe më pas është shtrirë në Klinikën e Urologjisë, ku po trajtohet nga personeli mjekësor profesional.

“Presidenti i Republikës së Kosovës shpreh mirënjohje për kujdesin e treguar nga i tërë personeli shëndetësor i Qendrës Klinike Universitare të Kosovës”, thuhet në komunikatë.

Gjendja shëndetësore e Presidentit të Republikës së Kosovës është stabile dhe Zyra e Presidentit të Republikës së Kosovës do t’iu mbajë të informuar lidhur me trajtimin që është duke marrë presidenti Thaçi.

Komento:

	Komenti