Po bëhen dy vite qe kur FSK u shndërrua në ushtri.

Përderisa në njërën anë, Gjermania po ndërhynë në negociatat ndërmjet Prishtinës dhe Beogradit, nga ana tjetër, po negocion me Kosovën për blerjen e armëve dhe pajisjeve ushtarake, shkruan Sputnik, duke thënë se Gjermania po i shkel ligjet e veta.

Sic raporton media ruse, autoritetet në Prishtinë kanë negociuar prej muajsh me shërbimet e inteligjencës gjermane për prokurimin e topave dhe sistemeve të raketave anti-tank për Ushtrinë e Kosovës, dhe përqendrimi i tyre është në plotësimin e armëve të vogla dhe armë moderne të këmbësorisë, transmeton lajmi.net.

Me armatimin e Kosovës, Gjermania po shkel rregullat dhe ligjet e veta, sepse dispozita e vitit 1971 ndalon në parim eksportimin e armëve në vendet që nuk janë anëtare të NATO-s.

Për të justifikuar statusin e eksportuesit të katërt më të madh të armëve në botë me një pjesë prej 5.8 për qind në tregun e armëve, kjo dispozitë është zëvendësuar nga një proces i ndërlikuar, kështu që Këshilli Federal i Sigurisë, i udhëhequr nga kancelarja Angela Merkel, ka fjalën e fundit në shitjen e “kontestuar” të armëve nga disa ministra të linjës së qeverisë gjermane.

Këshilli miratoi rreth 60 për qind të kërkesave të prodhuesve të armëve për eksport në vendet jo të BE-së ose NATO-s, sipas një studimi të Fondacionit ‘Hessen’ për Kërkimin e Paqes dhe Konflikteve (HSFK), të porositur nga OJQ Greenpeace.

Shqiptarët e Kosovës deri më tani, shkruan Sputnik, kanë shpenzuar rreth 170 milionë euro në Gjermani për blerjen e armëve, pajisjeve dhe trainimit të anëtarëve të Forcës së Sigurisë së Kosovës, dhe po negociojnë blerjen e një turneu të ri të pushkëve automatike gjermane G-36 (Heckler dhe Koch) dhe tankeve Leopard 2. “.

Komento:

	Komenti