Selimi deklarohet i pafajshëm, gjykatësi i thotë të jetë më i qartë.
Shefi i Grupit Parlamentar të LVV-së, Rexhep Selimi është deklaruar i pafajshëm për të gjitha pikat e aktakuzës.
Ai tha se ka pasur kohë që ta lexojë e analizojë aktakuzën dhe se ndihet i pafajshëm, raporton Gazeta Express.
“Po i nderuar kryetar. Unë kam pasur kohë të mjaftueshme që ta shoh aktakuzën dhe më lejoni që sot këtu të deklaroj se ndihem i pafajshëm për të gjitha pikat e aktakuzës”, ka thënë Selimi.
Gjykatësi i kërkoi fjali më të qartë, pasi fjala “ndihet” nuk është e duhura për ta deklaruar pafajësinë.
Unë zakonisht i deklaroj ato që i ndjej, por po e përsëris. Unë deklarohem i pafajshëm për të gjitha pikat e aktakuzës”, theksoi Selimi.
Paraprakisht, Selimi ka folur edhe për luftën e UÇK-së dhe përpjekjen për çlirimin e Kosovës nga Serbia.
Të enjten e javës që shkoi, me një avion ushtarak, shefi i GP të LVV-së, Rexhep Selimi, dhe ish-bashkëpunëtorët e tij në luftë, ish-presidenti Hashim Thaçi dhe ish-kryeparlamentari Kadri Veseli, u nisën për në Hagë, pas konfirmimit të aktakuzës kundër tyre.
Një ditë më herët, ish-kryeparlamentari Jakup Krasniqi u arrestua dhe u dërgua gjithashtu për në paraburgimin e Gjykatës Speciale.
Krerët e UÇK-së akuzohen për kr.ime lufte dhe kr.ime kundër njerëzimit. Aktakuza i bën përgjegjës Selimin, Thaçin, Veselin e Krasniqin për një sërë kr.imesh që pretendohet se janë kryer në disa qendra ndalimi gjatë viteve 1998-1999. Prokuroria e Specializuar i akuzon katër ish-krerët e UÇK-së se kanë qenë ose duhej të ishin në dijeni të këtyre kr.imeve.
24 °C
