Tha që PDK nuk ka më vota borxh për Haradinajn, Time Kadriaj i përgjigjet Enver Hoxhajt.
Deputetja nga radhët e AAK-së, Time Kadriaj, i është përgjigjur kryetarit në detyrë të PDK-së, Enver Hoxhaj pasi tha që nuk ka më vota nga PDK-ja për kandidatët për president jashtë kësaj partie.
Kadriaj i ka thënë se AAK nuk ka kërkuar përkrahje nga Hoxha por nga themeluesit e PDK-së, bashkëluftëtarë dhe përkrahës të Hashim Thaçit e Kadri Veselit dhe gjithë atyre që kanë kontribuar në luftën e UÇK-së.
“Ne nuk kemi kërkuar përkrahje prej Enver Hoxhës, po kërkojmë përkrahje për presidentin prej themeluesve të PDK-së, bashkëluftëtarë dhe përkrahës të z. Hashim Thaçit e Kadri Veselit dhe gjithë atyre që kanë kontribuar në luftën e UÇK-së dhe kanë kontribuar në shtetndërtimin e Kosovēs.
Tash është shumë e rëndësishme dhe në interes të shtetit, që për shkak të situatës në të cilën gjindemi, një personalitet si Ramush Haradinaj të jetë president!”, tha ajo.