Ani pse tregu i transferimeve është mbyllur për më shumë se një muaj, menaxhmenti i Milanit është tashmë në punë duke kërkuar përforcime për të ardhmen.
Një nga këto përforcime mund të jetë Noa Lang i Club Brugge, të cilin kuqezinjtë e kanë ndjekur për ca kohë, siç konfirmohet edhe nga vetë agjenti i talentit holandez, përcjell ORAinfo.
Interesimi për lojtarin duket të jetë mjaft serioz, siç dëshmohet nga takimi që drejtuesit patën me përfaqësuesin e lojtarit gjatë pushimit ndërkombëtar.
Siç raportohet nga Daniele Longo e Calciomercato.com, Milani, pasi ndoqi Lang për disa kohë, kontaktoi me agjentin e tij për të kuptuar kostot dhe për të ditur emrat e klubeve të përfshira.
Gazetari shton se disa klube të Premier League po bëjnë presion për të nënshkruar me Lang, me Arsenalin dhe Liverpoolin në rreshtin e parë.
Sa i përket vlerësimit të lojtarit, ai është rreth 25 milionë euro (i destinuar të rritet në muajt e ardhshëm me këto shfaqje). Massara dhe Maldini kanë marrë parasysh situatën dhe do të vendosin në muajt e ardhshëm nëse do të bëjnë një lëvizje vendimtare apo jo./ORAinfo/
7 °C
