Lucas Paqueta e ka përshkruar periudhën e tij në Milan si ‘të dobishme’ pasi ai vazhdon të kalojë momente të mira me Lyon dhe ekipin kombëtar brazilian.

Paqueta iu bashkua kuqezinjve në merkaton e dimrit të sezonit 2018-19 dhe sigurisht që kishte një entuziazëm të madh rreth ardhjes së tij, por do të ishte e drejtë të thuhet se paraqitjet e tij nuk ishin aspak afër nivelit të atyre që pritej, megjithëse ai luajti në një periudhë turbulente.

Që kur u largua për një fillim të ri në Ligue 1 me Lyon, ai me siguri e ka rikthyer mojo-n e tij nga koha e tij te Flamengo, pasi ka shënuar 17 paraqitje, 6 gola dhe 3 asistime këtë sezon, duke qenë pjesë e një departamenti të talentuar të mesfushës, i cili përfshin lojtarë të tillë të Bruno Guimaraes dhe Houssem Aouar, përcjell ORAinfo.

Në një konferencë për shtyp me kombëtaren braziliane, Paqueta pranoi se koha e tij në Milan ishte një kapitull i rëndësishëm në karrierën e tij, gjë që e lejoi atë të rritet më tej dhe të bëhet lojtari që është tani.

“Ato janë dy liga të ngjashme, por jam dakord që Ligue 1 është fizikisht më i fortë se Seria A. Duke marrë parasysh atë që po kaloj tani, është e qartë se çdo përvojë e kaluar ka qenë e dobishme,” tha ai.

“Koha që kalova në Itali, te Milani, më bëri një lojtar më të fortë dhe një person më të mirë. Më ka dhënë më shumë përvojë për t’u përballur me fatkeqësitë në një mënyrë tjetër. Sot, falë Zotit, po kaloj mirë. Në çdo vend mëson diçka dhe tani jam i lumtur”, tha Paqueta. /ORAinfo/

Komento:

	Komenti