AAK-ja pro tërheqjes së 30% të Trustit, u bën thirrje edhe partive tjera ta përkrahin.

Besnik Tahiri, shef i Grupit Parlamentar të Aleancës për Ardhmërinë e Kosovës, ka thënë se është e drejtë e qytetarëve që të tërheqin para nga Trusti.

Përmes një postimi në Facebook, Tahiri ka thënë se e gjithë logjika e Trustit është “kursimi personal” nga të hyrat e qytetarëve.

“Logjika e Trustit është kursim personal nga të hyrat e qytetarëve, prandaj ne e vlerësojmë se është e drejtë qytetare përvetësimi i këtyre mjeteve në kohë krize,” ka shkruar ai.

Tutje, deputeti I AAK-së ka bërë thirrje që të gjithë kolegët e tij në kuvend ta mbështesin tërheqjen e parave nga Trusti.

“U bëjë thirrje deputetëve që ta mbështesin Ligjin që u mundëson qytetarëve tërheqjen e 30 % të shumës së trustit. Nuk duhet që në gjendje të jashtëzakonshme të sillemi zakonshëm!” përfundoi Tahiri.

Lexoni postimin e plotë:

Logjika e Trustit është kursim personal nga të hyrat e qytetarëve, prandaj ne e vlerësojmë se është e drejtë qytetare përvetësimi i këtyre mjeteve në kohë krize.

U bëjë thirrje deputetëve që ta mbështesin Ligjin që u mundëson qytetarëve tërheqjen e 30 % të shumës së trustit.

Nuk duhet që në gjendje të jashtëzakonshme të sillemi zakonshëm.

Komento:

	Komenti