Prokuroria Themelore në Mitrovicë ka paraqitur në Gjykatën Themelore, kërkesë për caktimin e paraburgimit  kundër të dyshuarit E.A. pasi i njëjti dyshohet se ka poseduar afro 60 kilogramë kanabis.

Seanca për caktimin e paraburgimit për të ndaluarin E.A., mbahet sot para gjyqtarit të procedurës paraprake.

“Ekziston dyshimi i bazuar se i  dyshuari E.A., prej datës të pacaktuar e deri me datë 15.08.2023 në fshatin Vajnikë – komuna e Skenderajt,  në shtëpi dhe objektet përcjellëse, me qëllim shitje apo shpërndarje,  pa autorizim ka  poseduar substanca narkotike të llojit marihuanë, me peshë të tërësishme prej 59 kilogramë e 973 gramë”, thuhet në komunikatën e Prokurorisë.

Komento:

	Komenti