Kryetari i Partisë Demokratike të Kosovës, Memli Krasniqi, gjatë qëndrimit në Burksel, ka takuar të enjten zëvendësdrejtorin menaxhues për Evropë në EEAS, Marko Makovec.

Nëpërmjet një postimi në Facebook, ai ka njoftuar se në këtë takim kanë diskutuar për zhvillimet aktuale në Kosovë e rajon dhe për procesin e integrimit evropian, me theks të veçantë për Pakon e Zgjerimit 2023 dhe Planin e Ri të Rritjes për Ballkanin Perëndimor.

“Në këtë kuadër, vlerësova që edhe Kosova, e cila fatkeqësisht ka mbetur e fundit në këtë proces, duhet ta ketë vendin e vet meritor dhe një perspektivë evropiane të prekshme dhe të qartë”, ka shkruar Krasniqi.

Edhe në këtë takim, Krasniqi ka bërë të ditur se kërkuar që Bashkimi Evropian t’i heqë masat ndëshkuese ndaj Kosovës.