Ylli i skuadrës së Ajaxit po bëhet shumë i kërkuar.
Holandezët kanë arritur të shkojnë deri në gjysmëfinale të Ligës së Kampionëve dhe janë në rrugë të mirë të kalojnë në finale.
Lojtarët e rinj të skuadrës janë ata që kanë tërhequr vëmendje të madhe tek skuadrat evropiane, e një nga ta është edhe Donny van de Beek.
Mediet britanike raportojnë se së fundmi në garë për lojtarin është futur edhe skuadra e Tottenham Hotspur.
Interesim për lojtarin deri më tani kanë shprehur edhe Bayern Munich, Borussia Dortmund e Milan.
Lojtari vlerësohet me 60 milionë euro nga skuadra holandeze. Mbetet të shihet se cila do të jetë e ardhmja për lojtarin.