Kategoria
Lajmet e fundit
15 °C

Tentoi ta djeg objektin e policisë në Gjakovë me shishe molotovi, kërkohet paraburgim për të dyshuarin

16:23 | 22 Gusht 2024

Prokuroria Themelore në Gjakovë, Departamenti i Përgjithshëm, ka njoftuar publikun se ka paraqitur kërkesë në Gjykatën Themelore në Gjakovë për caktimin e masës së paraburgimit për të pandehurin me inicialet T.K., në kohëzgjatje prej 30 ditësh.

Sipas Prokurorisë, ekziston dyshimi i bazuar se më 21 gusht 2024, rreth orës 17:45, para objektit të Drejtorisë Rajonale të Policisë në Gjakovë, i dyshuari T.K. ka tentuar me dashje të shkatërrojë objektin dhe automjetet zyrtare të policisë.

Prokuroria ka bërë të ditur se i pandehuri, i pajisur me katër shishe të mbushura me benzinë dhe vaj të djegur, i ka hedhur ato në drejtim të objektit të cilat përfundojnë në dy automjete zyrtare të policisë ku të njëjtat i kaplon zjarri.

Fatmirësisht, zyrtarët policorë kanë reaguar me shpejtësi, duke shuar zjarrin dhe arrestuar të dyshuarin, i cili po largohej nga vendi i ngjarjes.

Prokuroria njofton se, bazuar në veprimet e kryera, ekziston dyshimi i bazuar se i pandehuri ka kryer veprën penale “Shkaktimi i rrezikut të përgjithshëm” sipas nenit 356, paragrafi 3, lidhur me paragrafin 1 të Kodit Penal të Republikës së Kosovës.

Komento:
Lajme të tjera
ORAinfo
© 2012 – 2026 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

               
Privacy and Policy
TEL : 044 / 911 100