Hysni Gucati, kreu i OVL-UÇK, është takuar me deputetin zviceran, Eeto Nauese.

Ai e ka quajtur deputetin zviceran si një mik i respektuar i lirisë dhe demokracisë.

Gucati tregoi se në takim u diskutua edhe lidhur me trajtimin e ish-bashkëluftëtarëve tanë që gjenden në Dhomat e Specializuara në Hagë.

“Sot, në Parlamentin e Zvicrës, realizuam një takim të rëndësishëm me deputetin zviceran, Reto Nause, një mik i respektuar i lirisë dhe demokracisë, si dhe me deputetë të tjerë të pranishëm. Në emër të të gjithë veteranëve të Ushtrisë Çlirimtare të Kosovës, falënderuam z. Nause për pritjen e ngrohtë dhe mundësinë që na dha për të ngritur shqetësimet tona lidhur me trajtimin e ish-bashkëluftëtarëve tanë që gjenden në Dhomat e Specializuara në Hagë”, ka thënë ai.