Njëmbëdhjetë palestinezë u vranë në sulmet ajrore izraelite në Gaza të dielën në mëngjes, sipas zyrtarëve palestinezë të mbrojtjes civile dhe shëndetësisë.

IDF tha se kishte goditur objektiva terroristësh në përgjigje të shkeljeve të armëpushimit nga Hamasi dhe se militantët ishin vrarë pasi dolën nga një tunel në zonën e Rripit të Gazës të kontrolluar nga ushtria izraelite, shkruan BBC.

Gjysmëhëna e Kuqe Palestineze tha se një sulm ndaj një kampi me tendë në veri të Gazës vrau të paktën gjashtë persona, ndërsa një sulm tjetër në jug të Rripit të Gazës vrau pesë.

Si Izraeli ashtu edhe Hamasi e kanë akuzuar njëri-tjetrin për shkelje pothuajse të përditshme të një marrëveshjeje të brishtë armëpushimi që kur ajo hyri në fuqi më 10 tetor.