Zhvillimet e fundit në Lindja e Mesme, veçanërisht përplasjet mes Iran, Izrael dhe Shtetet e Bashkuara të Amerikës, të cilat janë shoqëruar me sulme edhe në zona të tjera, kanë nxitur reagime edhe në Ballkan.

Sipas raportimeve, një grup nga Serbia thuhet se ka bërë thirrje publike që Irani të bombardojë kampin ushtarak Camp Bondsteel në Kosovë. Këto deklarata janë cilësuar si shqetësuese dhe me qasje destruktive.

Eksperti i sigurisë, Arben Dashevci, në një lidhje direkte për emisionin “Gazeta 10”, theksoi se për Kosovën mbetet me rëndësi të veçantë siguria energjetike, veçanërisht furnizimi me naftë dhe derivate, në kontekstin e tensioneve të mundshme rajonale.

Ai rikujtoi edhe sulmet kibernetike të mëhershme që Irani ka kryer ndaj Shqipëri, ku sipas autoriteteve u komprometuan dhe u publikuan të dhëna të ndjeshme, përfshirë rreth një milion adresa. Dashevci nënvizoi se Irani nuk e ka njohur kurrë pavarësinë e Kosovës dhe historikisht ka qenë kundër ndërhyrjes së NATO gjatë luftës në Kosovë.

Sipas tij, institucionet e Kosovës duhet të ruajnë vigjilencë të shtuar përballë qarqeve destruktive, të cilat, siç tha ai, vazhdojnë të veprojnë kundër interesave të Republikës së Kosovës. Thirrjet për bombardimin e Camp Bondsteel, sipas ekspertit, e  dëshmojnë një qasje të rrezikshme dhe destabilizuese që kërkon reagim të matur institucional dhe rritje të masave të sigurisë.