Deputeti i LDK-së, Anton Quni ka thënë se në takimin e Grupit Parlamentar do të njoftohen për çka konkretisht bisedoi kryetari i LDK-së, Lumir Abdixhiku në takimin e sotëm e që rezulton të jetë i treti me kryeministrin Albin Kurti, e që në fokus temë kanë zgjedhjen e presidentit apo presidentes.

Quni megjithatë, tha se ai do të pajtohet për vendimin që do ta marrë partia.

“Po thashë prej, brenda strukturave të partisë aty merren vendimet. Unë do të pajtohem me vendimin që merret në mbledhje. Tani do i marrim informacionet. Prandaj, prandaj edhe po mbahet ky takim që t’i marrim informacionet nga kryetari Lumir Abdixhiku. Do diskutojmë, do bëjmë debat edhe do marrim vendimet e duhura”, tha Quni./EO