Sulmet ruse vranë të paktën katër persona të dielën në juglindje dhe verilindje të Ukrainës, thanë zyrtarët rajonalë.

Sulmet në qytetin juglindor të Zaporizhzhisë vranë dy persona dhe plagosën 16 të tjerë, tha Guvernatori Rajonal Ivan Fedorov në Telegram. Fotografitë e postuara në internet nga guvernatori treguan një ndërtesë në flakë dhe pjesë të një lagjeje të shndërruara në rrënoja.

Në rajonin kufitar verilindor të Kharkivit, një objektiv i shpeshtë rus, një sulm me raketa në qytetin Zmiiv vrau një person dhe plagosi tetë, përfshirë dy fëmijë, tha Guvernatori Rajonal Oleh Syniehubov.

Policia në rajonin e Kharkiv tha gjithashtu se një oficer u vra ndërsa po përpiqej të organizonte evakuimin e banorëve në një komunitet tjetër më në veri.

Në rajonin e Sumy-t, gjithashtu në kufirin rus, guvernatori rajonal tha se një grua e moshuar u vra gjatë ditës në një zonë pranë kufirit.