Një djalë trevjeçar është nxjerrë i gjallë nga rrënojat gjashtë ditë pas tërmeteve shkatërruese në Venezuelë, njoftoi një ekip shpëtimi nga Jordania.

Pamjet filmike tregojnë shpëtimtarët duke brohoritur ndërsa fëmija, i identifikuar si Klieber Morán, nxirret nga rrënojat në shtetin La Guaira.

Delcy Rodríguez e përshkroi shpëtimin e fëmijës si një moment shprese.

Kjo ndodh ndërsa OKB-ja paralajmëroi se dhjetëra mijëra njerëz kanë nevojë urgjente për ushqim dhe strehim.

Numri i viktimave nga tërmetet e javës së kaluar – me magnitudë 7.2 dhe 7.5 është rritur në 1.943, ndërsa më shumë se 10.000 persona janë plagosur dhe dhjetëra mijëra të tjerë rezultojnë ende të zhdukur.

Sipas një vlerësimi fillestar të të dhënave satelitore të NASA-s, lëkundjet e fuqishme kanë dëmtuar ose shkatërruar rreth 58.870 ndërtesa.

Mbrojtja Civile e Jordanisë bëri të ditur se Klieberit iu dha ndihma e parë, më pas u dërgua në spital dhe gjendja e tij ishte e mirë. Ai po trajtohet në kryeqytetin Caracas, tha presidenti i Asamblesë së Venezuelës, Jorge Rodríguez.

Një ekip kërkimi nga Jordania ka shpëtuar një fëmijë të vogël venezuelian gjashtë ditë pas dy tërmeteve.

Shpëtimi ndodhi shumë më vonë se periudha fillestare prej tre ditësh pas tërmetit, gjatë së cilës ekspertët thonë se personat e bllokuar nën rrënoja kanë mundësinë më të madhe për t’u gjetur të gjallë.

La Guaira është një nga zonat më të goditura, ku shumë banorë po përpiqen të kryejnë vetë operacione shpëtimi.