Edhe një medalje e madhe për Kosovën, Akil Gjakova në finale të Evropianit
Kosova ka siguruar edhe një medalje në Evropianin e xhudos në Lisbonë. Akil Gjakova ka kaluar në finale të kategorisë deri 73 kilogramë.
Akili e mposhti zviceranin Nils Stump me hedhje maestrale në fillim të kohës shtesë.
Për Akilin është suksesi më i madh në karrierë. Ai synon të artën. Përballë në finale do ta ketë izraelitin Tohar Butbul.