NISMA distancohet nga anëtari i saj i cili u arratis për ‘avullimin’ e 2 milionë Eurove të Thesarit.

Nisma Socialdemokrate, pas raportimit është distancuar nga anëtari i saj Kadri Shala, i cili është njëri nga biznesmenët, në arrati, i dyshuar për përfshirjen në vjedhjen e 2 milionë Eurove nga Thesari i Shtetit.

Sekretari i Përgjithshëm i Nismës, Bilall Sherifi, ka thënë se ai nuk e njeh atë, por kushdo qoftë e dënon këtë akt.

“Nisma distancohet nga një veprim i tillë dhe fton gjithë sistemin e drejtësisë ta ndjekin këtë rast deri në fund për të kthyer paratë deri në fund dhe ata të marrin deëmin”, ka thënë ai.

Më tutje, ai ka thënë se është për t’u dënuar ky veprim dhe se kjo duhet të shërbeje si alarm për siguri më të madhe në sistemin financiar.

“E dënoj fuqishëm aktin e vjedhjes së parave, por gjithkund në botë ku punohet me para duhet të këtë siguri më të madhe”, ka shtuar ai.

Atij, po dyshohet se transferin ia mundësoi anëtari i PDK’së, Labinot Gruda, zyrtar në Ministri të Financave.

Komento:

	Komenti