Bayerni i gatshëm të thyejë rekordin me transferimin e Pedrit.

Bayern Munich po synon nënshkrimin e fituesit të Golden Boy, Pedri nga Barcelona, pavarësisht klauzolës së lirimit.

Sezonin e kaluar spanjolli u shfaq në skenë me paraqitjet e tij të jashtëzakonshme për Barçën, pavarësisht se ishte vetëm në sezonin e tij të parë në ligën e parë spanjolle pas nënshkrimit nga Las Palmas.

Adoleshenti bëri aq shumë përshtypje sa luajti në Euro 2020 për Spanjën, dhe më pas në Lojërat Olimpike, në një sezon të çmendur ku luajti 70 herë në 11 muaj.

Kjo formë i dha 18-vjeçarit një marrëveshje të re në Nou Camp që zgjat deri në vitin 2026, me Barçën duke shtuar një klauzolë të madhe lirimi prej 830 milionë euro për të mbajtur larg skuadrat e tjera.

Sidoqoftë, kjo thuhet se nuk ka funksionuar me Bayernin të gatshëm për të bërë një lëvizje për mesfushorin, sipas AS, me gatishmërinë e gjermanit për të katërfishuar pagën e lojtarit.

Ndërsa kampionët e Bundesligës nuk do t’i afroheshin klauzolës së lirimit të transferimit të lojtarit, ata besohet se janë gati të thyejnë rekordin e tyre për një transferim.

Aktualisht Lucas Hernandez është lojtari më i shtrenjtë në histori të tyre prej 80 milionë eurosh nga Atletico Madrid në vitin 2019, gjersa për spanjollin mund të paguajnë 100 milionë.

Pedri mund të kushtojë shumë më tepër, duke marrë parasysh se sa mirë ka nisur karriera e tij dhe sa kohë i ka mbetur të luajë në nivelin e lartë, që mund të jenë edhe 15 vite të tjera.

Ai tashmë konsiderohet si lojtari më i mirë i ri në botë, pasi u emërua Golden Boy në fillim të kësaj jave, duke mposhtur Jude Bellingham.

Ndërsa Xavi nuk do të dëshironte të humbiste një lojtar kaq të talentuar, problemet financiare të Barçës mund të bëjnë që klubi të jetë i gatshëm ta shesë atë, edhe nëse menaxheri nuk është i gatshëm.

Komento:

	Komenti