Antonio Conte në pritje të telefonatës së Man Unitedit.
Manchester United shumë shpejtë mund të kërkojë trajner të ri dhe një nga top kandidatët është ish trajneri i Interit, Antonio Conte.
Sipas raportimeve, italiani është i hapur që të jetë pasuesi i Ole Gunnar Solskjaer, por vetëm në disa kushte të veçanta, transmeton lajmi net.
Humbja turpëruese nga Liverpool, ka ndikuar që e ardhmja e Solskjaer të jetë në dyshime dhe mund të shkarkohet para ndeshjes së radhës ndaj Tottenham.
Sipas MEN, Conte është i hapur që të marrë stolin e Man Unitedit, por ka disa kushte të veçanta që duhet pranuar.
Raporti shton se Conte dëshiron të jetë në bisedime të vazhdueshme me drejtorin e klubit kur të jetë fjala për përfocimet në afatet verore të ardhshme.
Si trajner me përvojë, tekniku italian dëshiron ta këtë fjalën finale në transferime, gjë që do jetë e komplikuar me Ed Woodwaard që deri me tani nuk ka pranuar një gjë të tillë.
Conte momentalisht është një ndër trajnerët e hapur, derisa ka edhe rekorde për fitimin e titujve.
Ish trajneri i Chelseas fitoi Premierligën në vitin 2017, derisa vitin e kaluar fitoi Seria A me Interin.
Ndërkohë, në listën e Man Unitedit ndodhet edhe trajneri Zinedine Zidane.