Një çift është krijuar në Big Brother Vip Albania.

Afërsia me Beatrix Ramosaj në një kohë kur shprehu publikisht dashurinë për Bora Zemanin, bëri që Donald Veshaj të kritikohej shumë.

Për më tepër, para disa javësh, ai i dhuroi Borës dhe një varëse për 3-vjetorin e njohjes së tyre.

Mbrëmjen e sotme në “Big Brother VIP”, aktori i humorit ka sqaruar gjithçka. Ai shpjegoi se priste një shenjë nga Bora, pasi i dërgoi varësen. Më tej, ai shpjegoi se e ka pëlqyer Trixën që në momentin që ajo ka hyrë brenda shtëpisë së Big Brother, por nuk donte ta pranonte pikërisht për situatën me Borën.

“Për mua ishte një shenjë dhe prisja një shenjë që nuk më erdhi kurrë. Prisja një shenjë, një konfirmim ose diçka. Kam qenë i turbullt. Kam qenë në një presion të madh, përzierje ndjenjash realisht të forta. Në momentin që ka ardhur Trixa, më ka pëlqyer gjithmonë tipi i saj, por nuk kam dashur t’ia pranoj vetes sepse kam menduar për njeriun jashtë dhe kur kam qenë jashtë e nuk kam qenë me të”, tha Donaldi.

“Njerëzit që duan e gjejnë një zgjidhje. Situata ime ka ndodhur e tillë, kam një mijë e një arsye që e kam ndërprerë marrëdhënien time me atë vajzë. Përpara se të futesha, më ka ardhur një mesazh dhe nuk kam sqaruar asnjë lloj gjëje. Nuk e di, nuk do t’ia falja vetes sime që ta mbaja mendjen në një gjë që më duket flluskë në ajër”, shtoi më tej ai

Komento:

	Komenti