Drejtori i Shpëtimit në Vushtrri jep detaje: Foshnja dhe dy persona jashtë rrezikut për jetë – Ora Info Ballina | ORAinfo.com - Nuk ndalet

Drejtori i Shpëtimit në Vushtrri jep detaje: Foshnja dhe dy persona jashtë rrezikut për jetë

11:33 | 05 Dhjetor 2020

Drejtori i Shpëtimit në Vushtrri: Foshnja dhe dy persona jashtë rrezikut për jetë, banesa dyshohet se u dogj nga rryma.

Një banesë dje në Vushtrri është kapluar nga flakët dhe në të gjendeshin tre persona, në mesin e tyre edhe një foshnje.

Pasi nëna dhe foshnja kanë arritur të dalin jashtë, brenda ka mbetur një grua e moshuar e cila pastaj është shpëtuar nga një ekipet e zjarrfikësve dhe një qytetar.

Gazeta Express ka kontaktuar me drejtorin për Mbrojtje dhe Shpëtim në Vushtrri, Bajram Kosumi për shkaqet se pse ka ardhur deri tek djegia e banesës.

Ai tha se ende nuk dihet saktë se pse ka ardhur deri tek djegia, por dyshohet se shkak është rryma dhe pakujdesia e vetë pronarit.

Ai tha se ekipet janë ende duke punuar për hetimin dhe nuk ka ndonjë raport përfundimtar.

Ndërsa, bëri të ditur se gjendja e personave që ishin brenda banesës është mirë, anipse foshnja ishte dërguar në QKUK për shkak të problemeve me frymëmarrje.

Komento: